WordPress námskeið

Description

WordPress vefumsjónarkerfið er ókeypis opinn hugbúnaður og er eitt vinsælasta vefumsjónarkerfi í heiminum í dag. Stór hópur fyrirtækja og einstaklinga notar vefumsjónarkerfið til að koma vörum sínum og þjónustu á framfæri á netinu vegna þess að það býður upp á mikinn sveigjanleika í hönnun og framsetningu upplýsinga og er auðvelt í notkun.

Á þessu námskeiði er kennd uppsetning og hönnun á WordPress vef og farið yfir helstu stillingar og hvernig auðveldlega má vinna með útlit og efni á vefnum.

Tilvalið fyrir alla sem vilja læra að uppfæra og vinna með efni í WordPress eða koma sér upp eigin vef með litlum tilkostnaði.

Rafræn kennslubók á ensku fylgir með og fá nemendur ókeypis æfingavef til afnota á meðan námskeiðinu stendur.

Inntökuskilyrði
Gott er að nemendur hafi ágæta almenna tölvukunnáttu og hafi einhverja grunnþekkingu á WordPress kerfinu.

Markmið
Að loknu námskeiði geta nemendur m.a:

  • Sótt um lén hjá ISNIC eða Godaddy.
  • Sett upp WordPress á hýsingu að eigin vali.
  • Notað stjórnborð WordPress þaðan sem öllum aðgerðum í WordPress er stjórnað.
  • Leitað eftir og sett upp sniðmát (Themes).
  • Leitað eftir og sett upp viðbætur (Plugins).
  • Bætt við smáforritum, innsláttarformum, vegakortum og fleira.
  • Skipulagt vefinn með síðum, flokkum og merkingum.
  • Unnið með og sett inn færslur, síður, myndir og margmiðlunarefni.
  • Leitarvélabestað vefinn fyrir Google og aðrar leitarvélar.

Viðfangsefni
Á námskeiðinu læra nemendur að setja upp eigin vef frá grunni þar sem hægt er að birta fréttir, vörur, upplýsingar, myndir, myndbönd, umsagnir o.fl. Gert er ráð fyrir að nemendur sæki um sitt eigi lén eða notist við lén sem þeir eiga eða hafa umsjón með.

Kennslugögn
Með námskeiðinu fylgja WordPress kennslugögn á ensku.

Skipulag
Þetta námskeið er kennt í tölvuveri HÍ en einnig er í boði fjarnámskeið og sérkennsla.

  • Hópnámskeið
    Staðbundin hópnámskeið eru haldin í tölvuveri Háskóla Íslands. Námskeiðið er samtals 6 klst. og er kennt 2 til 3 klst. í senn á morgnana eða kvöldin. Verð á snemmskráningu er 31.500 kr. Almennt verð er 39.500 kr. Dag- og tímasetning námskeiða er ákveðin í samráði við nemendur út frá snemmskráningum.
  • Fjarnámskeið
    Nemendur geta tekið þátt í námskeiðinu óháð tíma og staðsetningu. Nemendur hafa fullan aðgang að námskeiðinu í 90 daga og geta skoðað námsefnið hvar og hvenær sem er á þeim hraða sem hentar. Námsgjaldið er 19.700 kr. Engin takmörk eru á því hversu oft nemendur geta farið inn á námskeiðsvefinn. Hægt er að framlengja áskrift um 90 daga og kostar þá aðeins 9.750 kr.
  • Sérkennsla
    Fyrirtæki geta einnig fengið sérkennslu og komum við þá á staðinn og förum yfir og kennum einstaklingum eða hópum innan fyrirtækisins þannig að starfsfólk geti uppfært og viðhaldið vefsvæðum fyrirtækisins. Verð á einkakennslu er 9.700 kr. pr. klst.

Leiðbeinendur
Garðar Garðarsson, sérfræðingur í WordPress og markaðssetningu á netinu. Garðar hefur starfað við vefsmíði og vefþjónustu í 21 ár ásamt því að halda fjölmörg námskeið og fyrirlestra fyrir fyrirtæki, stofnanir og einstaklinga.

Styrkir
Flest stéttarfélög og fagfélög styrkja félagsmenn sína myndarlega til náms hjá okkur. Kannaðu rétt þinn hjá þínu félagi. Þú getur líka haft samband okkur í síma 691-2225 eða sendu okkur línu á thjonusta@veftorg.is og við aðstoðum þig við að finna út úr hvaða styrkjum þú átt rétt á.

Snemmskráning á hópnámskeið til 15. október 2016
Snemmkráning á hópnámskeið er hafin. Vinsamlegast athugið að dagsetningar og tímasetningar námskeiða ákvarðast í samráði við nemendur út frá snemmskráningum. Þú segir okkur hvaða dagar og tímasetningar henta þér og við látum þig vita þegar lágmarks fjölda þátttakenda er náð. Lágmarksfjöldi á hópnámskeið er 12 manns.

Skráðu þig núna!

Eða hafðu samband við okkur í síma 691-2225

Hafðu samband til að fá meiri upplýsingar.

Hafa samband

Senda fyrirspurn um þessa þjónustu