WordPress sérkennsla

Fyrirtæki geta pantað sérkennslu og komum við þá á staðinn og förum yfir og kennum einstaklingum eða hópum innan fyrirtækisins. Markmiðið er að starfsfólk geti uppfært og viðhaldið vefsvæðum fyrirtækisins. Verð á sérkennslu er 9.700 kr. pr. klst.

Í sérkennslu er farið yfir helstu stillingar WordPress og hvernig auðveldlega má vinna með útlit og efni á vefnum.

Inntökuskilyrði
Gott er að þátttakendur hafi ágæta almenna tölvukunnáttu og hafi einhverja grunnþekkingu á WordPress kerfinu.

Markmið
Að loknu námskeiði geta þátttakendur m.a:

• Notað stjórnborð WordPress þaðan sem öllum aðgerðum í WordPress er stjórnað.
• Leitað eftir og sett upp sniðmát (Themes).
• Leitað eftir og sett upp viðbætur (Plugins).
• Bætt við smáforritum, innsláttarformum, vegakortum og fleira.
• Skipulagt vefinn með síðum, flokkum og merkingum.
• Unnið með og sett inn færslur, síður, myndir og margmiðlunarefni.
• Leitarvélabestað vefinn fyrir Google og aðrar leitarvélar.

Skipulag
Áður en leiðbeinandi mætir á staðinn og sérkennsla hefst er farið yfir hvaða atriði þarf að taka fyrir hvort sem það er að uppfæra eða stilla vefinn, læra á grunnatriðin eða fara djúpt í forritun og hönnun vefsins. Gert er ráð fyrir að þátttakendur notist við lén sem þeir eiga eða hafa umsjón með.

Kennslugögn
Með sérkennslu fylgja WordPress kennslugögn á ensku.

Leiðbeinandi
Garðar Garðarsson, sérfræðingur í Wordpress og markaðssetningu á netinu. Garðar hefur starfað við vefsmíði og vefþjónustu í 21 ár ásamt því að halda fjölmörg námskeið og fyrirlestra fyrir fyrirtæki, stofnanir og einstaklinga.